अमेरिकाको आग्रहमा जनवरी १५ मा इरानको अवस्थाबारे संयुक्त राष्ट्र सुरक्षा परिषदले आपतकालीन बैठक बोलाएको हो। संयुक्त राष्ट्रका अधिकांश सदस्य राष्ट्रहरूले अमेरिकालाई बल प्रयोग नगर्न आग्रह गरे, तर अमेरिकी प्रतिनिधिले त्यसपछि पनि इरानविरुद्ध बल प्रयोग गर्ने धम्की दिए। यसका प्रत्युत्तरमा इरानी प्रतिनिधिले कुनै पनि आक्रमणको कडा प्रतिकार गरिने स्पष्ट पारे।
संयुक्त राष्ट्रमा चीनको स्थायी मिसनका कार्यवाहक चार्ज डी’अफेयर्स सुन लेईले कुनै पनि सैन्य दुस्साहसले यस क्षेत्रलाई अनुमान नै गर्न नसकिने गहिरो संकटतर्फ धकेल्ने चेतावनी दिए। चीनले अमेरिकालाई संयुक्त राष्ट्रसंघको बडापत्रका उद्देश्य र सिद्धान्तहरूको पालना गर्न तथा बल प्रयोग त्याग्न आह्वान गरेको छ। साथै चीनले सबै पक्षलाई संयमता अपनाउन र विश्वमा शान्ति तथा सुरक्षा कायम राख्ने आफ्नो उचित भूमिका निर्वाह गर्न आग्रह गरेको छ।
इतिहासले बारम्बार प्रमाणित गरिसकेको छ कि अन्धाधुन्ध रूपमा बलमाथि भरोसा गर्नु, निरन्तर दबाब सिर्जना गर्नु र मनपरी हस्तक्षेप गर्नुले झनै बढी द्वन्द्व र घृणा मात्र जन्माउँछ। कुनै पनि देशलाई अर्को देशको भविष्य निर्धारण गर्ने अधिकार छैन, र अन्तर्राष्ट्रिय कानुनलाई बेवास्ता गर्ने कुनै पनि कार्य स्वीकार्य हुन सक्दैन। CRI
