फणीन्द्र नेपाल
मणि शर्माले सलीम मियाँ अन्सारीले बबरमहलको पार्टी प्यालेसमा एमालेको कार्यक्रममा २०० जना रोहिङ्गाहरूलाई लगेर केपी ओलीबाट पार्टी सदस्यता दिलाएको समाचार त्यस वेला पत्रिकाहरूमा निस्केको थियो , जसको एमालेले खण्डन गरेन भनेर लेख्नुभएको छ । मणिजीले अहिले एमालेबाट प्रदेश नम्बर २ का मुख्यमंत्री बनेका (अहिले राजीनामा दिइसकेको अवस्था ) सरोज यादवले ओलीको आदेशमा मुस्लिम तुष्टीकरणका लागि मदरसा बोर्डको विधेयक प्रस्तुत गरेका थिए भन्ने पनि उल्लेख गर्नुभएको छ । त्यो विधेयक यस्तो समयमा ल्याइएको छ, जब रोहिङ्गा र बङ्गलादेशीहरू इन्डियाबाट धमाधम नेपाल पस्दै छन् । यसबाट एमाले मत र पैसाका लागि नेपाललाई इस्लामीकरण गर्ने धन्दामा लागेको हो त भन्ने प्रश्न तेर्सिएको छ ।
आज केही हजार बङ्गलादेशी र रोहिङ्गाहरू नेपाल पसिसके । भोलि लाख पस्नेछन् । बिहार र युपीबाट आएकाहरूले त नेपालमा यतिबिघ्न उपद्रो मच्चाएका छन् भने झन् बङ्गलादेशी र रोहिङ्गाहरूको संख्या थपिएपछि के हुने हो ?
बङ्गलादेशको सिमाना नेपालसँग जोडिएको छैन , म्यानमारको सिमाना पनि नेपालसँग जोडिएको छैन , तर यी दुवै देशसँग इ*न्डियाको सिमाना जोडिएको छ । यसबाट अब इण्न्डिया नेपालमा शरणार्थी आतंक मच्चाउने खेलमा लागेको भन्ने बुझ्न सजिलो भएको छ । हिजो भुटानी शरणार्थीलाई पनि इन्डियाली भूमि हुँदै इण्न्डियाले नै नेपालमा पठाएको थियो , आज रोहिङ्गा र बङ्गलादेशी शरणार्थीलाई पनि इण्न्डिया हुँदै नेपाल पठाइँदै छ । शरण लिनैपर्ने अवस्था उत्पन्न भएको हो भने ती शरणार्थी इन्डियामा नबसेर किन नेपाल छिराइए ? उनीहरूलाई यस्तो सहजता कसले प्रदान गर्यो ?
शरणार्थी संबन्धी महासन्धि १९६७ को प्रोटोकलमा हस्ताक्षर नगरेको नेपालले इ*न्डिया पार गरेर आएका शरणार्थी किन स्विकार्नुपर्यो ? शरणार्थीहरूलाई स्वीकार गर्नैपर्ने अन्तर्राष्ट्रिय दायित्व नेपालको छैन भने नेपालले कसरी ती शरणार्थीलाई नेपाल छिर्न दियो ? इन्डियासँगको सहमतिबिना यसो हुनु सम्भव छैन । नेपाल सरकारले पनि कुनै शक्तिशाली दलको आड नपाई यस्तो घातक कदम उठाउन सक्तैन । पैसा र भोटका लागि अमूक राजनीतिक पार्टीहरू धार्मिक द्वन्द्व निम्त्याउने खालका यस्ता क्रियाकलाप गर्छन् भने मुलुकमा शान्ति कसरी कायम हुन्छ ? यहाँ कसरी स्थिरता आउँछ ?
