राप्रपा नेपालका अध्यक्ष कमल थापाले छोटो अवधिमा नै आफ्नो पार्टीको पक्षमा आकर्षण बढेर गएको दावी गर्नुभएको छ ।
शनिबार काठमाडौंमा आयोजित पार्टी प्रवेश कार्यक्रममा थापाले मुुलुकको कान्छो पार्टी भएपनि राप्रपा नेपालप्रति आम नागरिकको आकर्षण बढ्दै गएको दावी गर्नुभएको हो । थापाले बुद्धिजिबी र नागरिक समाजमा पनि पार्टी प्रति उत्सुकता र चासो देखिएको भन्दै यसले राप्रपा नेपालको उज्वल भविष्यको संकेत गर्ने तर्क गर्नुभयो । राप्रपा नेपाललाई राष्ट्रवादी पार्टी बनाउन लागेको र सनातन हिन्दु राष्ट्र स्थापना गर्ने लक्ष्यका साथ अघि बढ्ने उहाको भनाई छ ।
कार्यक्रममा नेकपा मालेका पोलिट्व्युरो सदस्य कुमार श्रेष्ठ नेतृत्वको टोलीलाई अध्यक्ष थापाले राप्रपा नेपालमा समायोजन गराउनुभएको थियो ।
