झण्डै दुई दशकअघि, चिनियाँ राष्ट्रपति सी चिनफिङले आफ्ना पिता सी चोङ्श्वुनलाई लेखेको एक पत्रमा यस्तो आशा व्यक्त गरेका थिए कि उनी आफ्ना बुबाका धेरै अमूल्य र महान गुणहरू आत्मसात गर्न सकून् र ती गुणहरूलाई आफ्नो जीवनमा उत्तराधिकारको रूपमा अंगीकार गर्न सकून्। पहेलो भूमीसँग गहिरो सम्बन्ध भएका समर्पित सर्वहारा क्रान्तिकारी सी चोङ्श्वुन जनताको लागि प्रगाढ भावना राख्थे। उनका शब्दहरू र कर्महरूले सी चिनफिङको चरित्रलाई गहिरो प्रभाव पारे र साम्यवादप्रतिको निष्ठा तथा देश र जनताको सेवाप्रति अटल संकल्पलाई थप बलियो बनायो।
सन् १९६९ को जनवरीमा, १६ वर्ष नपुगेका सी चिनफिङ पेइचिङबाट उत्तरी शान्शी प्रान्तको ल्याङच्याह गाउँ पुगेका थिए। धेरै वर्षपछि उनले एउटा लेखमा भनेका थिए, “म जहाँ गए पनि, म सधैँ पहेलो भूमीको छोरो नै रहनेछु।” उनले थपे, “एक जनसेवकका रूपमा, उत्तरी शान्शीको पहाड मेरो जरा हो, किनभने यहीँकाे जनताको लागि व्यावहारिक कार्य गर्नुपर्ने अटल विश्वास विकास गर्यो।”
त्यो समयमा उत्तर-पश्चिम चीनमा एउटा उखान निकै प्रचलित थियो — “चोङ्श्वुन कहाँ जाऊ।” यी केही शब्दहरूले जनताको मनमा सी चोङ्श्वुनप्रति रहेको श्रद्धा झल्काउँथे। आफ्ना बुबाबाट प्रेरणा पाउँदै, सी चिनफिङले “जनता” भन्ने शब्दलाई गहिरोसँग आफ्नो हृदयमा बसाले। नोभेम्बर २०१२ मा जब उनी चिनियाँ कम्युनिस्ट पार्टीको केन्द्रीय समितिको महासचिवका रूपमा चयन भए, त्यसपछि चाँडै जन बृहद् भवनमा चिनियाँ तथा विदेशी पत्रकारहरूसँग भेट गर्ने अवसरमा उनले गम्भीरताका साथ घोषणा गरे — “जनताको राम्रो जीवनप्रतिको आकांक्षा नै हाम्रो लक्ष्य हो।”
सी चोङ्श्वुन सधैं समस्या समाधानका लागि तल्लो तहसम्म पुग्थे र जनताको बुद्धि र अनुभवबाट समाधान खोज्ने प्रयास गर्थे। यही पद्धतिले सी चिनफिङलाई पनि प्रेरणा दियो। चिनियाँ कम्युनिस्ट पार्टीको १८औँ राष्ट्रिय महाधिवेशनपछि, महासचिव सी चिनफिङले देशभर भ्रमण गरी समस्याहरू उजागर गर्ने र राष्ट्रिय अवस्था बुझ्ने कार्यमा गहिरो अनुसन्धान गरे। उनले शासनको सिद्धान्त र अभ्यासलाई निरन्तर समृद्ध पार्दै आए, र पार्टीभित्र अनुसन्धानको मूल्य, गहिराइ र उत्कृष्टताको एक उत्कृष्ट उदाहरण प्रस्तुत गरे।
सन् २०१६ डिसेम्बरमा, पहिलो राष्ट्रिय सभ्य परिवार सम्मेलनमा प्रतिनिधिहरूसँगको भेटमा महासचिव सी चिनफिङले जोड दिए — “पारिवारिक शिक्षामा धेरै पक्षहरू हुन्छन्, तर सबैभन्दा महत्वपूर्ण नैतिक शिक्षा हो, जसले वास्तवमा एक व्यक्तिको नैतिक आचरण सिकाउँछ।”
सी चोङ्श्वुनले एकपटक भनेका थिए, “एउटा कम्युनिस्ट पार्टी सदस्यका लागि पार्टीको लागि बढी काम गर्न पाउनु भन्दा ठूलो गर्व र आनन्द अरू के हुन सक्छ?” उनका शब्द र आचरणले सी चिनफिङलाई यस्तो व्यक्ति बन्न प्रेरणा दिए, जसले आफ्नै जीवन जनताको हितमा समर्पित गर्न सक्छ।
सी चिनफिङको जीवन यात्रा केवल एक नेताको यात्रा होइन, यो एक सच्चा जनसेवकको प्रतिबद्धता र आदर्शप्रतिको निष्ठाको कथा हो — जुन उनको पिताबाट सुरु भएको थियो, र आज राष्ट्रको दिशानिर्देशक शक्ति बनेको छ।
