राष्ट्रध्यक्ष सीले उत्तर कोरियाको सर्वोच्च जनसम्मेलन 14 औँ राष्ट्रिय समितिको पहिलो सम्मेलनबाट किम जोङ उन उत्तर कोरियाको राज्य परिषदको अध्यक्षमा पुननिर्वाचित हुनु भएकोमा आफू र चिनियाँ जनताको तर्फबाट बधाई सन्देश दिनु भएको हो। उत्तर कोरियाली श्रमिक पार्टी र जनताले किमलाई विश्वास र समर्थन गरेको भन्दै राष्ट्राध्यक्ष सीले केही वर्षदेखि किमको नेतृत्वमा उत्तर कोरियाको आर्थिक तथा सामाजिक विकास अझ उच्चस्तरमा अगाडि बढ्ने र समाजवादमा नयाँ इतिहास चरणमा प्रवेश गरेको उल्लेख गर्नुभएको छ।
राष्ट्राध्यक्ष सीले चीन र उत्तर कोरिया घनिषट छिमेकी मुलुक रहेको भन्दै दुवै मुलुक बीचको परम्परागत मित्रता र सहयोग सम्बन्धलाई चीनले महत्व दिएको सन्देशमा उल्लेख गर्नुभएको छ। गत वर्षदेखि आफूले किमसँग चारपटक भेट-वार्ता गरेको उल्लेख गर्दै क्रमबद्ध सहमति प्राप्त भएको र दुवै मुलुकबीच दौत्य सम्बन्ध स्थापना भएको 70 औँ वार्षिकोत्सवको अवसरमा दुवै मुलुक बीचको सम्बन्धलाई अझ बढाउने आशा पनि राष्ट्राध्यक्ष सीले व्यक्त गर्नुभएको छ।
